Pas zhdukjes së saj 23 vjet më parë, ekspozohet “Portreti i zonjës”
Pas zhdukjes së saj 23 vjet më parë, ekspozohet “Portreti i zonjës”
30 NËNTOR 2020
Ishte shkurti i vitit 1997 kur “Portreti i zonjës” u vodh në galerinë “Ricci Oddi” në Piaçenza. Ndërkohë, në dhjetor të 2019-s u gjet në oborrin e së njëjtës galeri.
Ishin kopshtarët e gjelbërimit ata që gjetën pikturën në një zgavër të mbrojtur nga një derë metalike. Piktura ishte e fshehur mes shtresave të trasha të derës dhe ishte e mbështjellë me një qese plastike të zezë. Dukej se ishte e padëmtuar.
“Rishfaqja e pikturës përsëri ndaj artdashësve është mbi të gjitha një dhuratë për qytetin e Piaçenzas, i tronditur nga pandemia që ka goditur vendin tonë dhe të gjithë botën”, deklaroi pronari i galerisë, Massimo Ferrari.
Nga ana tjetër, piktura e rimarrë është pjesë e një serie portretesh që Klimti përfundoi në vitet e fundit të jetës së tij, midis 1916 dhe 1918.
Pas zhdukjes që ndodhi 23 vjet më parë, ajo u shfaq në një ekspozitë të galerisë “Ricci Oddi”.
Nga: Bota Sot